Amjad Khan ដែលមានរហស្សនាមថា The Snake Prince បានទៅប្រលែងលេងជាមួយសត្វពស់វែកមួយក្បាលដែលបានចឹក សម្លាប់ឪពុករបស់គេនៅឆ្នាំ២០០៦។ បុរសវ័យ២៧ឆ្នាំរូបនេះបានចូលប្រកួតកម្មវិធី World’s Most Talented ហើយក៏ប្រើក្បាច់ដូចឪពុករបស់ខ្លួនដែរ ដោយអោនក្បាលទៅជិតនិងពស់នោះដែលកំពុងតែបើកវែក ហើយក៏យកមាត់ទៅថើបមាត់ពស់នោះថែមទៀតផង។
ក្រោយពីចប់ការប្រកួតនេះដែរ Amjad បានប្រាប់ទៅពិធីការិនីក្នុងកម្មវិធីនេះថា៖ “តាំងពីតូចមកខ្ញុំមិនដែលខ្លាចសត្វពស់នោះទេ បើ១០០%គឺខ្ញុំខ្លាចខ្លាំងបំផុតហើយ១០%នោះ។ អ្វីដែលធ្វើឱ្យខ្ញុំមិនខ្លាចនោះគឺដោយសារតែវាបានសម្លាប់ឪពុករបស់ខ្ញុំ។ តើអ្នកដឹងទេ ពុកខ្ញុំជាស្ដេចពស់។ គាត់ធ្លាប់បានពស់ចឹកមិនតិចជាង៩៩ដងនោះទេ ប៉ុន្តែពិសពួកវាមិនអាចធ្វើអ្វីគាត់បានឡើយ។ មានតែមួយក្បាលនេះហើយដែលមានសមត្ថភាពចឹកគាត់ស្លាប់ ត្រឹមរយៈពេល២ថ្ងៃបន្ទាប់ពីត្រូវវាចឹក”។
ងាកទៅខាងពិធីការិនី Laura Jackson វិញក៏បាននិយាយទាំងញ័រខ្លួនផងដែរថា៖ “ខ្ញុំប្រហែលជាមិនអាចគេងលក់ទេមើលទៅយប់មិញ ព្រោះវាពិតជាមានគ្រោះថ្នាក់ខ្លាំងណាស់។ សូម្បីតែខ្ញុំដែលជាអ្នកមើលក៏ឃើញហើយញ័រខ្លួនដែរ។ បើមិនឃើញនិងភ្នែកប្រហែលជាខ្ញុំមិនជឿនោះទេ”។\
ប្រភព៖ sabay
0 comments:
Post a Comment