បើតាមសម្ដីលោក កឹម គុណវឌ្ឍន៍ អគ្គនាយកទូរទស្សន៍ជាតិ (ទទក) ថា ស្ពានអ្នកលឿង នឹងបើឲ្យដំណើរការនៅថ្ងៃទី១មេសាខាងមុខ គឺមុនពិធីចូលឆ្នាំថ្មីប្រពៃណីខ្មែរចាប់ផ្ដើមកន្លះខែ។
ឯក្រុមអ្នកអ្នកផ្គត់ផ្គង់សម្ភារៈសាងសង់ស្ពានវិញថាបច្ចុប្បន្ននេះ ស្ពានអ្នកលឿង ស្ថាបនារួចស្ទើរទាំងស្រុងហើយ គឺនៅសេសសល់តិចតួចបំផុត ហើយតាមគម្រោងការសាងសង់ទាំងមូល នឹងត្រូវធ្វើឲ្យរួចរាល់ត្រឹមថ្ងៃទី១៥មីនា។
អ្នកភ្នំពេញមានស្រុកកំណើតនៅខេត្ត ស្វាយរឿង លោក ប៉ាន់ លើកឡើងពីការទន្ទឹងចាំស្ពានដំណើរការ៖ «ឲ្យតែបានបើកធូរហើយចូលឆ្នាំហ្នឹង លែងស្ទះដូចមុនហើយ ទៅមកបានលឿន។ ឆ្នាំមុនអី គ្រាន់តែស្ទះសាឡាងម៉ាល្ងាចដាច់ កូនចៅអីដេកលើឡាន ទិញបាយញ៉ាំលើឡាន ម៉ាណាម៉ាណីនៅតែមិនបានឆ្លង។ លំបាកណាស់រឿងសាឡាងហ្នឹង ឲ្យតែបុណ្យទានធំៗ ស្ទះតកន្ទុយគ្នារាប់គីឡូវែងដាច់កន្ទុយភ្នែក »។
0 comments:
Post a Comment