ហេតុការណ៍ខាងលើនេះកើតឡើងនៅក្នុងហាងលក់ផាវនិងកាំជ្រួចមួយកន្លែង ដែលត្រូវបានគេស្គាល់ថាមានម្ចាស់ឈ្មោះ Chen ហើយមូលហេតុបណ្ដាលឱ្យមានការផ្ទុះកើតឡើងនោះគឺមកពីម្ចាស់ហាងនេះបានយកគ្រាប់កាំជ្រួច និងផាវមកអុចអបអរថ្ងៃចូលឆ្នាំចិននៅខាងមុខហាង។ តែមិនសំណាងកាំជ្រួចនោះក៏ហោះចូលទៅក្នុងហាងរបស់លោក ហើយក៏ផ្ទុះតៗគ្នាតែម្ដង ព្រោះក្នុងហាងគឺសុទ្ធតែវត្ថុមានរំសេវ។
បើយោងតាមភ្នាក់ងារព័ត៌មានចិន Xinhua បានឱ្យដឹងថា មនុស្ស៥នាក់ដែលស្លាប់ក្នុងហេតុការណ៍ខាងលើនេះមានក្មេង៣នាក់ និងមនុស្សពេញវ័យ២នាក់ ហើយក៏មានមនុស្សជាច្រើនទៀតបានរងរបួសផងដែរ ហើយពេលនេះកំពុងតែសម្រាកព្យាបាលនៅមន្ទីរពេទ្យ តែមិនមានគ្រោះថ្នាក់ដល់បាត់បង់ជីវិតនោះទេ។
សូមរំលឹកដែរថា មនុស្សជាច្រើនតែងតែបាត់បង់ជីវិតនៅថ្ងៃបុណ្យចូលឆ្នាំចិន ដោយសារបញ្ហាផ្ទុះកាំជ្រួចនេះ ខណៈដែលឆ្នាំនេះដែរ មានទីក្រុងចំនួន១៣៨នៅក្នុងប្រទេសចិនបានដាក់បម្រាមមិនឱ្យមានការដុតកាំជ្រួចនេះទេ ដោយសំអាងលើហេតុផលរក្សាសុវត្ថិភាពក្នុងគ្រួសារ ៕
0 comments:
Post a Comment