កូនខ្មែរ កំពុងមានភាពល្បីរន្ទឺពេញឆាកអន្តរជាតិ ដោយថ្មីៗនេះសូម្បីប្រទេសវៀតណាមដែលជាប្រទេសភូមិផងរបងកម្ពុជា ក៏សរសើរនិងក៏ភ្ញាក់ផ្អើលណាស់ដែរ ដែលដឹងថាកូនខ្មែរអាចមានសមត្ថភាពផលិតរថយន្តដ៏ទំនើបបានដោយខ្លួន ឯង។
ពិភពលោកមានការភ្ញាក់ផ្អើល និងក៏សឹងមិនជឿ នៅពេលឮព័ត៌មានដែលកូនខ្មែរមានសមត្ថភាពអាចផលិតដ៏រថយន្តទំនើបដោយខ្លួនឯង បើទោះបីប្រឈមកត្តាធនធានមនុស្សនិងហិរញ្ញវត្ថុដ៏ខ្សត់ខ្សោយក៏ដោយ។
Angkor EV 2014 ដែលជារថយន្តជំនាន់ទី ៥ ស្នាដៃរបស់លោក ញាន ផល្លឹកបានធ្វើឲ្យគេចាប់អារម្មណ៍ជាខ្លាំង ដោយសារតែរថយន្តនេះបានបំពាក់បច្ចេកវិទ្យាដ៏ទំនើប គឺដើរដោយថាមពលអគ្គិសនី និងអាចបញ្ជាតាមរយៈទូរសព្ទមិនចាញ់រថយន្តទំនើបរបស់ក្រុមហ៊ុនផលិត រថយន្តធំៗនោះទេ។
យ៉ាងណាតាមរយៈសារព័ត៌មានដដែលនោះ ក៏មានការសង្ស័យពីរថយន្តរបស់កូនខ្មែរនេះគឺកើតចេញពីការសហការ រវាងផលិតករក្នុងស្រុក និងក្រុមហ៊ុនផលិតរថយន្តបរទេស ដោយពួកគេមើលឃើញថាលទ្ធភាពនិងសមត្ថភាពរបស់កម្ពុជា នៅមិនទាន់អាចផលិតរថយន្តដ៏ទំនើបនេះបានដោយខ្លួនឯងនោះទេ។
តាមការបញ្ជាក់របស់លោក ញាន ផល្លឹកបានឲ្យដឹងថា រថយន្តអង្គរជាស្នាដៃផ្ទាល់របស់លោកទាំងការរចនារូបរាងនិងការ ប្រើប្រាស់បច្ចេកវិទ្យានានា។ យ៉ាងណា លោកទទួលស្គាល់ថា គ្រឿងបន្លាស់មួយចំនួនក្នុងការផលិតរថយន្តនេះ គឺលោកនាំចូលមកពីក្រៅប្រទេស និងមួយចំនួនទៀតកែច្នៃពីវត្ថុធាតុក្នុងស្រុក ដើម្បីសម្រេចបានរថយន្តដ៏ប្រណីតនេះ។
0 comments:
Post a Comment