មកពី sabay.com.kh
ពិតណាស់
មិនមានរថយន្តច្រើនទេដែលអាចប្រណាំងយកឈ្នះរថយន្តប្រណាំង F-1
តែលើកនេះគឺខុសគ្នាដាច់តែម្ដងដោយគូប្រជែងរបស់រថយន្តនេះ
មិនមែនរថយន្តដូចគ្នាទេ តែជាយន្តហោះប្រយុទ្ធប្រភេទ F18 ទៅវិញ។
តាមពិតទៅ
នោះជាការត្រៀមខ្លួនរបស់សមាជិកថ្មីនៃក្រុម Red Bull ប៉ុណ្ណោះ។
សមាជិកថ្មីនោះគឺអ្នកបើកបរល្បីឈ្មោះ Daniel Ricciardo
ដែលត្រូវមកជំនួសកន្លែងអតីតអ្នកបើកបររថយន្ត Mark Webber។
ដោយឡែក ក្នុងក្រុមជើងខ្លាំងនេះ មាន Sebastian Vettel
ម្នាក់ទៀតដែលជាម្ចាស់ជើងឯកពិភពលោកបច្ចុប្បន្ន។
សកម្មភាពពេលប្រណាំង
ការប្រណាំងដែលធ្វើឡើងនៅមូលដ្ឋាន
ទ័ពអាកាសក្បែរទីក្រុង Melbourne ប្រទេសអូស្ត្រាលីឃើញថា រថយន្ត
F-1 របស់ Daniel បាននាំមុខនៅពេលចេញដេប៉ា
តែក្រោយមកត្រូវយន្តហោះប្រដេញ F-18
តាមយកឈ្នះវិញនៅទីផ្ដាច់ព្រ័ត្រ។
នេះជាការត្រៀមខ្លួនមួយរបស់ក្រុម Red Bull
ដើម្បីត្រៀមចូលរួមព្រឹត្តិការណ៍ Australian Grand Prix
ដែលនឹងមកដល់នាពេលឆាប់ៗខាងមុខ។
Daniel Ricciardo សមាជិកថ្មីរបស់ក្រុម Red Bull ដែលបើកប្រណាំងនឹងយន្តហោះ F18
សមាជិកថ្មីនិយាយក្រោយការប្រណាំងថា៖
“ខ្ញុំជឿជាក់លើគុណភាពរថយន្តដ៏ល្អនេះ។
ខ្ញុំមានជំនឿចិត្តលើក្រុមរបស់ខ្ញុំ។
ខ្ញុំគ្មានភ័យខ្លាចអ្វីទាំងអស់”៕
0 comments:
Post a Comment